మిరియాలగూడలో డ్రంక్ డ్రైవ్ తనిఖీలో లాఠీ పెట్టడంతో యువకుడికి కాళ్లు విరిగాయి

నల్గొండ జిల్లా మిరియాలగూడలో గత రాత్రి డ్రంక్ డ్రైవ్ తనిఖీ సమయంలో ట్రాఫిక్ కానిస్టేబుల్ ఒకరు బైక్ చక్రంలో లాఠీ పెట్టడంతో యువకుడు బైక్ నుంచి పడిపోయాడు. దీంతో అతని రెండు కాళ్లు నుజ్జునుజ్జయ్యాయి.

గాయపడిన యువకుడు మాట్లాడుతూ, ‘నేను ఇంటికి వెళ్తుండగా ఎఫ్సిఐ గోదాం వద్ద పోలీసులు డ్రంక్ డ్రైవ్ తనిఖీ చేస్తున్నారు. బైక్ ఆపమని చెప్పారు. అయితే ఇబ్రహీం అనే కానిస్టేబుల్ నా బైక్ చక్రంలో లాఠీ పెట్టాడు. దీంతో నేను కిందపడిపోయాను, కాళ్లు విరిగాయి’ అని తెలిపాడు.

స్థానికులు వెంటనే అతన్ని ఆసుపత్రికి తరలించారు. నిర్లక్ష్యంగా వ్యవహరించిన కానిస్టేబుల్పై చర్యలు తీసుకోవాలని బాధ్యతులు డిమాండ్ చేస్తున్నారు. గతంలోనూ మిరియాలగూడ ట్రాఫిక్ పోలీసులు దురుసుగా ప్రవర్తిస్తున్నారని స్థానికులు ఆరోపిస్తున్నారు.

పోలీస్ ఉన్నతాధికారులు ఈ ఘటనపై విచారణ జరిపి, బాధ్యులపై చర్యలు తీసుకోవాలని స్థానికులు కోరుతున్నారు.