ప్రధాని మోదీ విదేశీ పర్యటనల వ్యయం ₹550 కోట్లకు పైగా: కేంద్రం

ప్రధాని నరేంద్ర మోదీ విదేశీ పర్యటనలకు 2021 నుంచి 2025 మధ్య ₹550 కోట్లకు పైగా ఖర్చైనట్లు కేంద్ర ప్రభుత్వం రాజ్యసభకు తెలిపింది. విదేశాంగ శాఖ సహాయ మంత్రి రాతపూర్వకంగా అందించిన సమాచారం ప్రకారం, 2021లో ₹36 కోట్లు ఖర్చు కాగా, 2025 నాటికి అది ₹180 కోట్లకు చేరింది. ప్రస్తుత ఆర్థిక సంవత్సరంలో ఇప్పటివరకు ₹74.58 కోట్లు ఖర్చైంది.

ఈ వ్యయంపై ఆప్ ఎంపీ సంజయ్ సింగ్, డీఎంకే ఎంపీ శివదాసన్ రాజ్యసభలో ప్రశ్నించారు. ఖర్చు ఏడాదికి పెరుగుతూ వచ్చింది. 2022లో ₹55 కోట్లు, 2023లో ₹93 కోట్లు, 2024లో ₹109 కోట్లు అయింది. మే నెలలో నార్వే పర్యటనకు అత్యధికంగా ₹17.46 కోట్లు ఖర్చైంది. జూన్లో ఫ్రాన్స్ పర్యటన బిల్లులు ఇంకా రావాల్సి ఉంది.

ప్రధాని విదేశీ పర్యటనల ఖర్చుపై వస్తున్న విమర్శలను విదేశాంగ శాఖ తిప్పికొట్టింది. పర్యటనల వల్ల దేశానికి దౌత్య, ఆర్థిక ప్రయోజనాలు కూడా చేకూరాయని వెల్లడించింది. జూలై 2021 నుంచి ఇప్పటి వరకు రక్షణ, ఆర్టిఫిషియల్ ఇంటెలిజెన్స్, సెమీ కండక్టర్లు, డిజిటల్ టెక్నాలజీ, పునరుత్పాదక ఇంధనం, అంతరిక్ష రంగాల్లో 316 ద్వైపాక్షిక ఒప్పందాలు కుదిరాయి.

అలాగే ఏప్రిల్ 2021 నుంచి డిసెంబర్ 2025 మధ్య దేశంలోకి $381.88 బిలియన్ల విదేశీ ప్రత్యక్ష పెట్టుబడులు వచ్చాయని వివరించింది. మొత్తంగా ఖర్చు ₹550 కోట్లు దాటగా, ప్రభుత్వం పర్యటనలు ఆర్థిక వ్యవస్థను బలపరిచాయని పేర్కొంది.