భారత్ AI వినియోగదారుడిగా కాకుండా సృష్టికర్తగా ఎదగాలి: ముకేశ్ అంబానీ

రిలయన్స్ ఇండస్ట్రీస్ 49వ వార్షిక సామాన్య సమావేశంలో చైర్మన్ ముకేశ్ అంబానీ మాట్లాడారు. భారత్ కృత్రిమ మేధ (AI) రంగంలో కేవలం వినియోగదారుడిగా మిగిలిపోకూడదని, ప్రపంచానికి AI ని సృష్టించే స్థాయికి ఎదగాలని ఆయన పిలుపునిచ్చారు.

జియో ఐపీవోకు సంబంధించిన డ్రాఫ్ట్ పేపర్లను బోర్డు ఆమోదించిందని, వాటిని సెబీకి సమర్పించనున్నట్టు తెలిపారు. గుజరాత్ లోని జామ్ నగర్ లో అత్యాధునిక మౌలిక సదుపాయాలతో స్వదేశీ AI బ్యాక్ బోర్డు నిర్మిస్తున్నట్లు ప్రకటించారు. ఈ ఏడాది చివరి నాటికి తొలి దశలో 150 మెగావాట్ల AI కంప్యూటింగ్ సామర్థ్యం అందుబాటులోకి వస్తుందని వివరించారు.

కచ్ ప్రాంతంలో ఉత్పత్తి అయ్యే స్వచ్ఛ సౌర విద్యుత్తును ఈ డేటా సెంటర్లకు వినియోగించనున్నట్టు చెప్పారు. ఎన్వీడియా, మెటా వంటి అంతర్జాతీయ టెక్ దిగ్గజాలతో రిలయన్స్ భాగస్వామ్యాలు కుదుర్చుకుందని ఆయన తెలిపారు. 22 భారతీయ భాషల్లో AI సేవలు అభివృద్ధి చేసే మోడళ్లపై తమ కంపెనీ దృష్టి సారించిందని వివరించారు.