ఏఐ రంగంలో భారత్ ప్రపంచాన్ని నడిపించాలి: ముకేశ్ అంబానీ పిలుపు

ముఖేశ్ అంబానీ రిలయన్స్ ఇండస్ట్రీస్ 49వ వార్షిక సాధారణ సమావేశంలో వాటాదారులకు ప్రసంగించారు. ఈ సందర్భంగా ఆయన ఏఐ రంగంలో భారత్ కేవలం వినియోగదారుడిగా ఉండకూడదని, ప్రపంచానికి సృష్టికర్తగా, అగ్రగామిగా ఎదగాలని పిలుపునిచ్చారు.

ఏఐలో స్వయం సమృద్ధి సాధించడం జాతీయ లక్ష్యంగా మారాలని ఆయన ఉద్ఘాటించారు. జియో ఐపీఓ కోసం బోర్డు డ్రాఫ్ట్ పేపర్లను ఆమోదించిందని, ఈ రోజు సెబీకి సమర్పిస్తున్నట్లు తెలిపారు.

రిలయన్స్ ఇంటెలిజెన్స్ ద్వారా గుజరాత్లోని జామ్నగర్లో అత్యాధునిక మౌలిక సదుపాయాలతో స్వదేశీ ఏఐ బ్యాక్బోన్ నిర్మిస్తున్నట్లు ప్రకటించారు. ఈ డేటా సెంటర్లకు అక్కడే ఉత్పత్తయ్యే స్వచ్ఛమైన సౌర విద్యుత్తును వినియోగించనున్నారు. ఈ ఏడాది చివరి నాటికి తొలి దశలో 120 మెగావాట్ల ఏఐ కంప్యూటింగ్ సామర్థ్యం అందుబాటులోకి రానుంది.

భారీ స్థాయిలో ఏఐ సేవలు అందించేందుకు ఎన్విడియా, మెటా వంటి అంతర్జాతీయ టెక్ కంపెనీలతో భాగస్వామ్యాలు కుదుర్చుకున్నామని అంబానీ చెప్పారు. దేశీయ అవసరాలకు అనుగుణంగా 22 భారతీయ భాషల్లో పనిచేసే ఏఐ మోడళ్లను అభివృద్ధి చేస్తున్నట్లు తెలిపారు.

జియో కాల్ ద్వారా ఏఐ ఏజెంట్ సేవలను ప్రవేశపెట్టనున్నట్లు, జియో యాప్ను ఏఐ ఏజెంట్గా మార్చనున్నట్లు ఆయన వివరించారు.