యూఎన్ ఏఐ ఫర్ గుడ్ గ్లోబల్ కమిషన్‌లో ముకేశ్ అంబానీ, సునీల్ మిత్తల్‌లకు చోటు

ఐక్యరాజ్య సమితి టెలీకమ్యూనికేషన్ల విభాగం (ITU) ఆధ్వర్యంలో ఏర్పాటైన 'AI for Good Global Commission' లో భారతీయ పారిశ్రామిక వేత్తలు ముకేశ్ అంబానీ, సునీల్ భారతీ మిత్తల్‌లు వ్యవస్థాపక సభ్యులుగా నియమితులయ్యారు.

రిలయన్స్ ఇండస్ట్రీస్ చైర్మన్ ముకేశ్ అంబానీ, భారతీ ఎంటర్‌ప్రైజెస్ వ్యవస్థాపకుడు సునీల్ భారతీ మిత్తల్‌తో కలిపి 44 మంది మొదటిసారిగా ఈ కమిషన్‌లో సభ్యులుగా చేరారు. ఈ నియామకాన్ని భారతీ ఎంటర్‌ప్రైజెస్ ప్రకటించింది.

ఈ కమిషన్‌కు రువాండా అధ్యక్షుడు పాల్ కగామే, సేల్స్‌ఫోర్స్ సీఈఓ మార్క్ బెనియోఫ్‌లు సహ–చైర్మన్లుగా ఉంటారు. ఐటీయూ సెక్రటరీ జనరల్ డోరిన్ బౌగ్డాన్ మార్టిన్ వైస్ చైర్‌గా కార్యనిర్వాహక పాత్ర పోషిస్తారు.

AIని వినియోగించి అంతర్జాతీయ సమస్యలకు పరిష్కారాలు కనుగొనేందుకు ఈ కమిషన్ కృషి చేస్తుంది. దీని తొలి సమావేశం జనవరి 7 నుంచి 10వ తేదీ వరకు జరగనుంది.