హైదరాబాద్ ట్యాంక్ బండ్ వద్ద సర్దార్ సర్వాయి పాపన్న విగ్రహం ఆవిష్కరించారు

హైదరాబాద్ ట్యాంక్ బండ్ వద్ద సర్దార్ సర్వాయి పాపన్న విగ్రహాన్ని ఆవిష్కరించారు. ఈ కార్యక్రమంలో మంత్రి పొన్నం పాల్గొని మాట్లాడారు.

ఈ విగ్రహం ఏర్పాటుకు చాలా కాలంగా డిమాండ్ ఉందని మంత్రి తెలిపారు. గతంలో పలువురు ప్రజాప్రతినిధులు ట్యాంక్ బండ్ వద్దే విగ్రహం పెట్టాలని కోరినా అప్పుడు సాధ్యం కాలేదన్నారు.

ప్రస్తుతం ఎమ్మెల్సీ మహేష్ కుమార్, స్థానిక ప్రజాప్రతినిధుల సహకారంతో ముఖ్యమంత్రి రేవంత్ రెడ్డి ఈ విగ్రహాన్ని ట్యాంక్ బండ్ వద్ద ఏర్పాటు చేశారని మంత్రి పేర్కొన్నారు. ఇక్కడ ఏర్పాటు చేయడం వల్ల హైదరాబాద్ వచ్చే ప్రతి ఒక్కరూ విగ్రహాన్ని చూడవచ్చన్నారు.

సర్వాయి పాపన్న బహుజన నాయకుడని, సామాజిక న్యాయం కోసం పోరాడిన వ్యక్తి అని మంత్రి వివరించారు. కార్యక్రమంలో స్థానిక ఎమ్మెల్యే నాగేంద్ర, ప్రకాష్ గౌడ్, వేం నరేంద్ర రెడ్డి, హనుమంతరావు, అంజన్ కుమార్ తదితరులు ఉన్నారు.