నాగబంధం ట్రైలర్ విడుదల; ₹80 కోట్ల బడ్జెట్, జూలై 3న విడుదల

నాగబంధం సినిమా ట్రైలర్ విడుదలైంది. జూలై 3న ఈ చిత్రం థియేటర్లలోకి రానుంది.

అభిషేక్ నామ దర్శకత్వంలో విరాట్ కర్ణ హీరోగా నటిస్తున్న ఈ చిత్రం, అనంత పద్మనాభస్వామి గుడిలోని బ్రహ్మ కమలం చుట్టూ నడుస్తుంది. ఆ బ్రహ్మ కమలం దైవశక్తిని కాపాడేందుకు నాగసాధువులు పోరాడే ఫ్యాంటసీ, మిస్టరీ థ్రిల్లర్‌గా ట్రైలర్ ఆసక్తి రేపుతోంది.

చిత్రానికి అంతర్జాతీయ VFX కంపెనీలు పనిచేశాయి. దాదాపు ₹80 కోట్ల ఖర్చుతో స్టార్ నటులు లేకున్నా కథపై నమ్మకంతో భారీగా తీసినట్లు తెలుస్తోంది. అభిషేక్ పిక్చర్స్ బ్యానర్‌పై రూపొందిన ఈ చిత్రం టీజర్‌తోనే అంచనాలు పెంచింది.