నంద్యాల: మిడ్ డే మీల్ నిధులు దుర్వినియోగం, ఇద్దరు ఉపాధ్యాయులు సస్పెండ్

నంద్యాల జిల్లా పులిమధ్యల ఉన్నత ప్రాథమిక పాఠశాలలో మిడ్ డే మీల్ నిధులు దుర్వినియోగం చేసిన ఇద్దరు ఉపాధ్యాయులను విద్యాశాఖ అధికారులు సస్పెండ్ చేశారు. కృష్ణారావు, విజయ భాస్కర్ అనే ఉపాధ్యాయులు విద్యార్థుల హాజరు సంఖ్యను పెంచి రికార్డుల్లో చూపించారు.

MEO, DEO తనిఖీలు నిర్వహించగా, రోజుకు 4-5 మంది విద్యార్థులు మాత్రమే హాజరవుతుండగా, రికార్డులో 10-20 మంది ఉన్నట్లు తేలింది. ఉపాధ్యాయులు గుడ్లు, పాలు, పప్పు వంటి పోషకాహారం సరఫరా చేసినట్లు నకిలీ బిల్లులు కూడా పంపించారు.

దీంతో విచారణ చేసిన DEO ఆ ఇద్దరిని సస్పెండ్ చేశారు. పాఠశాల ప్రధానోపాధ్యాయుడు హాజరు రికార్డులు సరిగా పర్యవేక్షించలేదని, అతనిపై కూడా చర్యలు తీసుకుంటున్నట్లు అధికారులు తెలిపారు.