నయనతార, శింబు జోడీ 10 ఏళ్ల తర్వాత మళ్లీ? కీర్తీశ్వరన్ సినిమాలో చర్చలు

నటి నయనతార, నటుడు శింబు దాదాపు 10 ఏళ్ల తర్వాత మళ్లీ జంటగా నటించే అవకాశం ఉంది. దర్శకుడు కీర్తీశ్వరన్ తెరకెక్కించనున్న కొత్త సినిమా కోసం మేకర్స్ నయనతారను సంప్రదించినట్లు సమాచారం.

డ్యూడ్ చిత్రంతో హిట్ అందుకున్న కీర్తీశ్వరన్, శింబుతో ఒక సినిమా చేసేందుకు సన్నాహాలు చేస్తున్నారు. ఇది పక్కా కమర్షియల్ యాక్షన్ ఎంటర్టైనర్ అని చెబుతున్నారు. ఈ సినిమాలో శింబు పవర్‌ఫుల్ పోలీస్ ఆఫీసర్ పాత్రలో కనిపిస్తారని కోలీవుడ్ వర్గాల్లో చర్చ నడుస్తోంది.

ప్రస్తుతం వెట్రిమారన్ దర్శకత్వంలో అరసన్ సినిమా చేస్తున్న శింబు, ఆ తర్వాత ఈ ప్రాజెక్టుకు గ్రీన్ సిగ్నల్ ఇచ్చినట్లు తెలుస్తోంది. హీరోయిన్ రోల్ కోసం దర్శకుడు నయనతారకు కథ వినిపించారు. చర్చలు చివరి దశలో ఉన్నాయని సమాచారం. నయనతార నుంచి ఇంకా అధికారిక స్పందన రాలేదు.

వీరిద్దరు గతంలో వల్లవన్, ఇదునమ్మ వాళ్ళు సినిమాల్లో కలిసి నటించారు. 2016లో విడుదలైన ఇదునమ్మ వాళ్ళు రొమాంటిక్ కామెడీ ఎంటర్టైనర్. ఆ సినిమా తర్వాత వీరిద్దరు కలిసి ఏ ప్రాజెక్టులోనూ కనిపించలేదు.

ప్రాజెక్టు అధికారికంగా ఖరారైతే బాక్స్ ఆఫీస్ వద్ద ఈ కాంబినేషన్ సెన్షేషన్ క్రియేట్ చేస్తుందని సినీ విశ్లేషకులు భావిస్తున్నారు. అధికారిక ప్రకటన వచ్చేవరకు ఎదురుచూడాల్సిందే.