NDA సమావేశంలో యువత ఉపాధి, క్రీడా విజయాలపై ప్రజెంటేషన్

కేంద్ర ప్రభుత్వ హయాంలో యువతకు ఉద్యోగ అవకాశాలు పెరిగాయని, అంతర్జాతీయ క్రీడల్లో భారత్ స్వర్ణ పతకాలు సాధిస్తోందని కేంద్ర మంత్రులు ఎన్డీయే సమావేశంలో ప్రెజెంటేషన్ ఇచ్చారు. ప్రధాని నరేంద్ర మోదీ, కేంద్ర మంత్రులు, ఎన్డీయే ఎంపీలు పాల్గొన్న ఈ సమావేశంలో యువత, క్రీడలపై చర్చించారు.

బీహార్‌లోని బంకీపూర్ ఉప ఎన్నికల్లో బీజేపీ ఓటమి మరుసటి రోజు ఈ సమావేశం జరిగింది. ఆ ఎన్నికల్లో ఎన్నికల వ్యూహకర్త ప్రశాంత్ కిశోర్ విజయం సాధించారు.

బీజేపీ ఎంపీ మనోజ్ తివారి మాట్లాడుతూ, క్రీడలపై కేంద్ర మంత్రి మన్సూక్ మాండవియ ప్రెజెంటేషన్ ఇచ్చారని తెలిపారు. 2014 నుంచి కేంద్ర ప్రభుత్వం అమలు చేస్తున్న క్రీడా విధానం సత్ఫలితాలు ఇస్తోందని, ఒలింపిక్స్, కామన్వెల్త్, ఆసియా గేమ్స్‌లో భారత క్రీడాకారులు స్వర్ణ పతకాలు సాధిస్తున్నారని అన్నారు. అలాగే ఎన్డీఏ అధికారంలోకి వచ్చినప్పటి నుంచి యువతకు ఉపాధి అవకాశాలు గణనీయంగా పెరిగాయని వివరించారు.

అదనంగా ప్రభుత్వం అమలు చేస్తున్న వివిధ సంక్షేమ పథకాలకు సంబంధించి సంబంధిత మంత్రులు ప్రెజెంటేషన్లు ఇచ్చినట్లు ఢిల్లీ ఎంపీ ఒకరు తెలిపారు.