నెల్లూరులో ఒకే రోజు నాలుగు చైన్ స్నాచింగ్ కేసులు
నెల్లూరులో ఒకే రోజు నాలుగు చోట్ల చైన్ స్నాచింగ్ ఘటనలు జరిగాయి. ఒంటరిగా వెళ్తున్న మహిళల మెడలో నుంచి బంగారు గొలుసులు లాక్కెళ్లినట్లు బాధితులు పోలీసులకు ఫిర్యాదు చేశారు.
వేదాయపాలం పోలీస్ స్టేషన్ పరిధిలోని నేతాజీ నగర్లో రెండు ఘటనలు జరిగాయి. దుర్గామిట్ట పోలీస్ స్టేషన్ పరిధిలో పొదలకూరు రోడ్డులో ఒకటి, వన్ టౌన్ పోలీస్ స్టేషన్ పరిధిలోని ఇరుగాళళమ్మ గుడి సెంటర్ వద్ద మరొకటి జరిగింది.
సమాచారం అందుకున్న పోలీసులు ఘటనాస్థలాలకు చేరుకుని విచారణ ప్రారంభించారు. CCTV ఫుటేజ్ ఆధారంగా నిందితులను గుర్తించేందుకు ప్రయత్నిస్తున్నారు. మాస్కులు ధరించిన వ్యక్తులు ఈ చోరీలకు పాల్పడినట్లు పోలీసులు గుర్తించారు.
నాలుగు చోట్లా ఒకే ముఠా చోరీలు చేసి ఉంటుందని పోలీసులు అనుమానిస్తున్నారు. నాలుగు కేసులు నమోదు చేసి దర్యాప్తు ముమ్మరం చేశారు.
వార్త ఆధారాలు: పబ్లిక్ న్యూస్ బ్రాడ్కాస్ట్లు, అధికారిక అప్డేట్లు, ఉషా కిరణం ఎడిటోరియల్ ప్రమాణాలు.
సవరణల కోసం సంప్రదించండి: help@ushakiranam.com
