మహిళలు ఒక సైకిల్‌కు ఒకసారి మాత్రమే ఎగ్ డొనేట్ చేయాలి: CP సుమతి

మహిళలు ఒక సైకిల్‌కు ఒకసారి మాత్రమే ఎగ్ డొనేట్ చేయాలని చట్టం చెబుతోంది. కానీ బాధితుల స్టేట్‌మెంట్ల ప్రకారం కొందరు మహిళలను రెండు, మూడు సార్లు ఎగ్ డొనేషన్ చేయించినట్లు CP సుమతి తెలిపారు.

ఎగ్ డొనేషన్ కోసం మహిళలను ప్రధానంగా ఆరు రాష్ట్రాల నుంచి తరలిస్తున్నట్లు ఆమె చెప్పారు. ఉద్యోగం ఇప్పిస్తామని, 10 రోజుల్లో ₹30,000 నుంచి ₹40,000 సంపాదించవచ్చని వారిని నమ్మబలుకుతున్నారు. కొన్నిసార్లు ఈవెంట్ మేనేజ్‌మెంట్ పేరుతో కూడా మహిళలను రప్పిస్తున్నట్లు ఆమె పేర్కొన్నారు.

ఈ ప్రక్రియకు సుమారు ₹3 లక్షలు వస్తున్నాయని ప్రాథమిక సమాచారం చెబుతోంది. ఆ మొత్తాన్ని పలువురు పంచుకుంటున్నారు. చివరికి బాధితురాలికి చాలా తక్కువ మొత్తం మాత్రమే చేరుతోంది. కొన్ని సందర్భాల్లో బాధితురాలికి డబ్బు అసలు చేరటం లేదు. ఆమె భర్త లేదా కుటుంబ సభ్యులకు డబ్బు ట్రాన్స్‌ఫర్ అవుతోంది.

ఈ మొత్తం ప్రక్రియలో నిర్వాహకుల పాత్ర చాలా పెద్దదిగా ఉందని CP సుమతి తెలిపారు. వారే మహిళలను రిక్రూట్ చేస్తున్నారు.