చార్మినార్ భాగ్యలక్ష్మి ఆలయంలో భారీ రద్దీ: ఈరోజే ఖజానా పంపిణీ చివరి రోజు

దీపావళి ముగిసి మూడు రోజులు అయినా హైదరాబాద్ చార్మినార్‌లోని భాగ్యలక్ష్మి ఆలయంలో భక్తుల రద్దీ తగ్గలేదు. ఖజానా పంపిణీకి ఈరోజు చివరి రోజు కావడంతో భక్తులు ఉదయం 6 గంటల నుంచే క్యూలో నిలుస్తున్నారు.

హైదరాబాద్‌తో పాటు సికింద్రాబాద్, రామపురం, దబీల్‌పురా, నల్లకుంట తదితర ప్రాంతాల నుంచి భక్తులు వచ్చారు. గత 10 ఏళ్లతో పోలిస్తే ఈ ఏడాది భారీ సంఖ్యలో భక్తులు దర్శనానికి వస్తున్నారు.

గుల్జార్ హౌస్ నుంచి ఆలయం వరకు ప్రత్యేక క్యూ లైన్లు ఏర్పాటు చేశారు. రద్దీ కారణంగా ట్రాఫిక్ ఆంక్షలు విధించారు. భారీ పోలీస్ బందోబస్తు ఏర్పాటు చేశారు.

ఈ ఏడాది వచ్చిన ప్రతి భక్తుడికీ వెండి నాణెం ఇస్తున్నారు. గత ఏడాది మొదటి రెండు రోజులు వెండి రూపం ఇచ్చారు. ఆ తర్వాత రూపాయి, రెండు రూపాయల నాణెలు ఇచ్చారు. ఒక వ్యక్తికి ఒక నాణెం ఇస్తున్నారు. మళ్లీ క్యూలో నిలబడితే మరోసారి తీసుకోవచ్చు.

ఈరోజు అర్ధరాత్రి 12 గంటల వరకు, ప్రత్యేక హారతి వరకు ఖజానా పంపిణీ కొనసాగుతుంది. రేపటి నుంచి ఖజానా పంపిణీ ఉండదు. కేవలం అమ్మవారి దర్శనానికి మాత్రమే అవకాశం ఉంటుంది. ఇప్పటికే లక్షలాది మంది భక్తులు నాణెలు తీసుకున్నారు.