ఢిల్లీలో కృత్రిమ వర్షం ప్రయత్నం: క్లౌడ్ సీడింగ్ కోసం విమానాలు సిద్ధం

ఢిల్లీలో గాలి నాణ్యత క్షీణించడంతో కృత్రిమ వర్షం కురిపించే ప్రయత్నాలు మొదలయ్యాయి. క్లౌడ్ సీడింగ్ కోసం ప్రత్యేక విమానాలను అధికారులు సిద్ధం చేశారు.

వాతావరణం అనుకూలించి, తేమతో కూడిన మేఘాలు తగిన మోతాదులో కనిపిస్తే వెంటనే ఈ ప్రక్రియ ప్రారంభమవుతుంది. ప్రస్తుతం ఆకాశంలోని మేఘాల ఎత్తును అంచనా వేసే పనిలో IIT కాన్పూర్ నిపుణుల బృందం నిమగ్నమైంది.

క్లౌడ్ సీడింగ్ కోసం విమానం ఒక్కసారి గాలిలోకి ఎగిరితే సుమారు ₹60 లక్షలు ఖర్చు అవుతుందని అంచనా వేస్తున్నారు. ఈ కృత్రిమ వర్షాల కోసం ఢిల్లీ ప్రభుత్వం ఇప్పటికే ₹3.21 కోట్లు కేటాయించింది.

ప్రతి ఏడాది శీతాకాలంలో ఢిల్లీలో గాలి నాణ్యత తీవ్రంగా దెబ్బతింటుంది. శీతాకాలంలో కాలుష్యాన్ని పూర్తిగా తగ్గించాలంటే సుమారు ₹40 కోట్లు ఖర్చు చేయాల్సి ఉంటుందని నిపుణులు చెబుతున్నారు.