టీటీడీ స్పెసిఫైడ్ అథారిటీ సభ్యుడిగా వినయ్ చంద్ ప్రమాణ స్వీకారం

తిరుమలలో టీటీడీ స్పెసిఫైడ్ అథారిటీ సభ్యుడిగా వినయ్ చంద్ బాధ్యతలు స్వీకరించారు. శ్రీ వేంకటేశ్వర స్వామి సన్నిధిలో ఆయన ప్రమాణం చేశారు.

ఈ అవకాశం తనకు పూర్వజన్మ సుకృతమని వినయ్ చంద్ అన్నారు. ఇది స్వామి దివ్య ఆశీస్సులుగా తాను భావిస్తున్నానని ఆయన తెలిపారు. వినమ్రతతో ఈ బాధ్యతను స్వీకరిస్తున్నానని చెప్పారు.

ఈ అవకాశం కల్పించిన ముఖ్యమంత్రికి, టీటీడీ చైర్మన్‌కు ఆయన కృతజ్ఞతలు తెలిపారు. మిగతా ఇద్దరు సభ్యులతో కలిసి తాను కూడా భక్తులకు మెరుగైన సేవలు అందించేందుకు చర్యలు తీసుకుంటామని వినయ్ చంద్ అన్నారు. భక్తులకు మరింత మంచి దర్శనం కల్పించే విధంగా కృషి చేస్తామని ఆయన పేర్కొన్నారు.