విశాఖలో రేపటి నుంచి 31వ CI భాగస్వామ్య సదస్సు: ₹11 లక్షల కోట్ల పెట్టుబడుల లక్ష్యం

విశాఖపట్నంలో రేపటి నుంచి రెండు రోజుల పాటు 31వ CI భాగస్వామ్య సదస్సు జరగనుంది. ఈ సదస్సు ద్వారా రాష్ట్రానికి మరో ₹11 లక్షల కోట్ల పెట్టుబడులు రానున్నాయని రాష్ట్ర మంత్రులు తెలిపారు.

ఈ సదస్సు ఆంధ్రప్రదేశ్ అభివృద్ధి ప్రస్థానాన్ని మరో స్థాయికి తీసుకెళ్తుందని ముఖ్యమంత్రి చంద్రబాబు నాయుడు చెప్పారు. ప్రపంచ పారిశ్రామిక దిగ్గజాలు విశాఖకు తరలి వస్తున్నారని ఆయన తెలిపారు. ప్రారంభోత్సవంలో కేంద్ర వాణిజ్య మంత్రి పీయూష్ గోయల్ పాల్గొంటారు. ఎంఓయూల ద్వారా లక్షన్నర మందికి ఉపాధి అవకాశాలు లభిస్తాయని చంద్రబాబు వెల్లడించారు.

58 దేశాల నుంచి 3,800 మంది ప్రతినిధులు సదస్సుకు హాజరవుతున్నారని సాంఘిక సంక్షేమ శాఖ మంత్రి డోలా శ్రీ బాల వీరాంజనేయ స్వామి తెలిపారు. సదస్సు నినాదం 'నావిగేటింగ్ న్యూ వరల్డ్ ఆర్డర్'. 400కు పైగా బిజినెస్ టు బిజినెస్ సమావేశాలు జరగనున్నాయి. దీనికి సమాంతరంగా ఏపీ ఉమెన్ అండ్ గ్రోత్ సమ్మిట్ కూడా నిర్వహిస్తున్నారు.

పలు దేశాల ప్రభుత్వ ప్రతినిధులు, పెట్టుబడిదారులు రెండు రోజుల సదస్సులో పాల్గొంటారు. సదస్సు ఏర్పాట్లను రాష్ట్ర ప్రభుత్వం పూర్తి చేసింది.