విశాఖ CII సమ్మిట్ ప్రారంభోత్సవానికి అమిత్ షా రాక రద్దు; పియూష్ గోయల్ హాజరు

కేంద్ర హోమ్ మంత్రి అమిత్ షా విశాఖపట్నం పర్యటన రద్దయింది. CII సమ్మిట్ ప్రారంభోత్సవానికి ఆయన హాజరు కావాల్సి ఉండగా, చివరి నిమిషంలో ఈ కార్యక్రమం రద్దు చేయబడింది.

ప్రారంభోత్సవంలో కేంద్ర మంత్రి పియూష్ గోయల్ పాల్గొంటారు. ఈ సమ్మిట్‌కు ఆయన అధ్యక్షత వహిస్తున్నారు. ఏపీ CM చంద్రబాబు నాయుడు సహ అధ్యక్షుడిగా ఉన్నారు.

రేపు ఉదయం ప్రారంభమయ్యే ఈ సమ్మిట్ రెండు రోజుల పాటు కొనసాగుతుంది. రాష్ట్ర మంత్రులు, పలువురు కేంద్ర మంత్రులు ఇప్పటికే విశాఖపట్నం చేరుకున్నారు. కేంద్ర మంత్రి రామ్మోహన్ నాయుడు కూడా హాజరవుతున్నారు.

అమిత్ షాకు ఉదయం 9 గంటలకు ప్రసంగ షెడ్యూల్ ఉండేది. ఆ స్థానంలో ఎవరు మాట్లాడుతారనే దానిపై ఇంకా స్పష్టత రాలేదు. ఈ రోజు సాయంత్రం ఈ విషయంపై పూర్తి వివరాలు తెలిసే అవకాశం ఉంది.

సమ్మిట్ ఏర్పాట్లు పూర్తయ్యాయి. విశాఖపట్నంలో బీచ్, రుషికొండ, తెన్నేటి పార్కు, ఆర్కే బీచ్ ప్రాంతాల్లో సుందరీకరణ చేపట్టారు. భోగాపురం విమానాశ్రయం, పాత విమానాశ్రయం నుంచి వచ్చేవారికి ట్రాఫిక్ ఇబ్బందులు లేకుండా ఏర్పాట్లు చేసినట్టు అధికారులు తెలిపారు. పర్యటన రద్దుపై అమిత్ షా కార్యాలయం నుంచి కారణం తెలియరాలేదు.