అబుదాబీలో నేపాలీ సెక్యూరిటీ గార్డుకు 78 కోట్ల లాటరీ జాక్‌పాట్

అబుదాబీలో సెక్యూరిటీ గార్డుగా పనిచేస్తున్న నేపాల్‌కు చెందిన తాయాబ్ ఖాన్ (26) యూఏఈ లాటరీ లక్కీ డే డ్రాలో 30 మిలియన్ దిర్హాములు (సుమారు రూ.78 కోట్లు) గెలుచుకున్నాడు. నాలుగేళ్ల క్రితం ఉపాధి నిమిత్తం యూఏఈ వెళ్లిన ఆయన, తన స్నేహితులతో కలిసి లాటరీ టికెట్లు కొనుగోలు చేసేవాడు.

ఇటీవల కొన్న టికెట్‌కు గ్రాండ్ ప్రైజ్ వచ్చింది. విజేతగా ఎంపికైనట్లు ఈమెయిల్ రాగా మొదట నమ్మలేకపోయాడు. ఆ తర్వాత చాలాసార్లు ధృవీకరించుకున్నట్లు తాయాబ్ తెలిపాడు. ఈ భారీ మొత్తం తన జీవితాన్ని మార్చేస్తుందని ఆయన సంతోషం వ్యక్తం చేశాడు.

తాను మరియు నలుగురు స్నేహితులు కలిసి డబ్బు పోగు చేసి టికెట్ కొన్నామని, గెలిచిన మొత్తాన్ని ఐదుగురికీ సమానంగా పంచుతామని తాయాబ్ చెప్పాడు. దీంతో ఒక్కొక్కరికి 6 మిలియన్ దిర్హాములు (సుమారు రూ.15 కోట్లు) వస్తాయి. ఈ డబ్బుతో నేపాల్‌లో కుటుంబానికి మంచి ఇల్లు నిర్మించడంతో పాటు అప్పులు తీర్చి, పిల్లల భవిష్యత్తుకు భరోసా కల్పిస్తానని ఆయన వివరించాడు. అలాగే మహీంద్రా థార్ కారు, రోలెక్స్ వాచ్ కొనుగోలు చేస్తానని తెలిపాడు.

లాటరీ గెలిచిన వెంటనే తన సెక్యూరిటీ గార్డు ఉద్యోగానికి రాజీనామా చేయనున్నట్లు తాయాబ్ ప్రకటించాడు. యూఏఈలోని ప్రవాస భారతీయులతో సహా ఇతర ప్రవాసుల్లో ఈ ఘటన ఆసక్తి రేకెత్తించింది.