తెలంగాణ అసెంబ్లీలో ప్రభుత్వ విప్లకు కొత్త చాంబర్లు ప్రారంభం

హైదరాబాద్‌లోని తెలంగాణ శాసనసభ, శాసన మండలి భవనాల్లో ప్రభుత్వ విప్ల కోసం నూతన చాంబర్లను మంత్రులు ప్రారంభించారు. మీడియా అడ్వైజరీ కమిటీ చాంబర్‌ను కూడా ప్రారంభించారు.

అసెంబ్లీ వ్యవహారాల మంత్రి శ్రీధర్ బాబు ఈ కార్యక్రమంలో మాట్లాడుతూ, విప్లు ప్రజాసేవలో చట్టసభల్లో రాణించాలని ఆకాంక్షించారు. అసెంబ్లీ సమావేశాల్లో విప్ల పాత్ర కీలకమని, స్పీకర్, మండలి చైర్మన్ రాజ్యాంగబద్ధంగా సభలను నడిపిస్తున్నారని చెప్పారు.

మంత్రులు పొంగులేటి శ్రీనివాస్ రెడ్డి, వెంకట్ రెడ్డి, ఎంపి వేమ నరేందర్ రెడ్డి కూడా ఈ కార్యక్రమంలో పాల్గొన్నారు. సభ సజావుగా సాగడంలో విప్ల కృషి అవసరమని, స్పీకర్, చైర్మన్‌ల నేతృత్వంలో సభలు కొనసాగుతాయని శ్రీధర్ బాబు తెలిపారు.