UPI లావాదేవీలపై MDR ఛార్జీలు: ₹2,000 లోపు వ్యాపారులకు మినహాయింపు

UPI లావాదేవీలపై కేంద్ర ప్రభుత్వం కొత్త నిబంధనలను ప్రకటించింది. ఈ నిబంధనల ప్రకారం, ₹2,000 లోపు లావాదేవీలకు మర్చంట్ డిస్కౌంట్ రేటు (MDR) విధించబడదు.

MDR అనేది డిజిటల్ చెల్లింపులు స్వీకరించే వ్యాపారులు బ్యాంకులు, ఫిన్టెక్ కంపెనీలకు చెల్లించే సర్వీస్ ఛార్జీ. ₹2,000 దాటిన లావాదేవీలపై మాత్రమే ఈ ఛార్జీ వర్తిస్తుంది. అయితే, ఇది ఏటా ₹1.5 కోట్ల కంటే ఎక్కువ టర్నోవర్ ఉన్న షాపింగ్ మాల్స్, సూపర్ మార్కెట్లు, హోటళ్ల వంటి పెద్ద వ్యాపారులకు మాత్రమే వర్తిస్తుంది.

UPI వినియోగదారులపై ఎలాంటి ఛార్జీలు ఉండవు. కుటుంబ సభ్యులు, స్నేహితులకు పంపే వ్యక్తిగత లావాదేవీలకు కూడా ఈ ఛార్జీలు వర్తించవు. నివేదికల ప్రకారం, దేశంలో 95% పైగా UPI లావాదేవీలు ₹2,000 లోపు ఉంటాయి.

అధిక మొత్తపు లావాదేవీలపై మాత్రమే 0.3% నుంచి 0.5% వరకు ఛార్జీ విధించే అవకాశం ఉంది. ఉదాహరణకు, ₹10,000 లావాదేవీపై ₹30 నుంచి ₹50 వరకు ఛార్జీ పడవచ్చు. ఈ నిబంధనలు చిన్న వ్యాపారులకు, రోజువారీ UPI వినియోగదారులకు ఊరట కలిగించేలా ఉన్నాయి.