మూడేళ్ల చిన్నారి నితిక్ష ఠాకూర్ మహిషాసుర మర్ధిని స్తోత్రం పఠించి రికార్డు

హిమాచల్ ప్రదేశ్, గుమార్విన్ నగరంలోని దేహరా గ్రామానికి చెందిన మూడేళ్ల చిన్నారి నితిక్ష ఠాకూర్ ఇండియా బుక్ ఆఫ్ రికార్డ్స్‌లో స్థానం సంపాదించింది. మూడు సంవత్సరాల పది నెలల వయసులో ఆమె మహిషాసుర మర్ధిని స్తోత్రాన్ని ఎంతో స్పష్టంగా, ఎలాంటి దోషాలు లేకుండా పఠించి ఈ గుర్తింపు పొందింది.

అంతేకాకుండా, సంస్కృతంలోని కఠినమైన పదాలతో కూడిన అనేక శ్లోకాలను కూడా సరైన ఉచ్చారణతో చదివి అందరినీ ఆకట్టుకుంది. చిన్నప్పటి నుంచే శ్లోకాలు, స్తోత్రాలపై ఆమె ప్రత్యేక ఆసక్తి చూపించేదని కుటుంబ సభ్యులు తెలిపారు. ప్రస్తుతం నితిక్ష ప్రీ నర్సరీ చదువుతోంది.

చిన్నారి ప్రతిభను గుర్తించిన హిమాచల్ ప్రదేశ్ రాష్ట్ర సాంకేతిక విద్యాశాఖ మంత్రి రాజేశ ధర్మాని నితిక్షను ప్రశంసించారు.