రామాయణ పార్ట్-1కి ఉత్కంఠభరిత ముగింపు: దర్శకుడు నితీష్ తివారీ ప్రకటన

రామాయణం పార్ట్-1 సినిమాకు ఉత్కంఠభరితమైన ముగింపు ఇవ్వాలని దర్శకుడు నితీష్ తివారీ ప్రణాళిక చేస్తున్నాడు. శాండియా కామికాన్ ఈవెంట్లో మాట్లాడుతూ ఈ విషయాన్ని ఆయన వెల్లడించాడు. థియేటర్ నుంచి బయటకు వచ్చాక ప్రేక్షకులు రెండో భాగం కోసం ఆసక్తిగా ఎదురుచూసేలా ఎండింగ్ ఉంటుందని చెప్పుకొచ్చాడు. రామాయణ గాధను రెండు భాగాలుగా చెప్పడం సరైన నిర్ణయమని, తొలి భాగాన్ని ఒక కీలక ఘట్టంలో ముగిస్తే మిగిలిన కథను రెండో భాగంలో వివరించాలని నితీష్ తివారీ వివరించాడు.

బాహుబలి, పుష్ప, సలార్, దేవర వంటి పాన్-ఇండియా సినిమాలు క్లిఫ్హ్యాంగర్ ఎండింగ్తో భారీ కలెక్షన్స్ సాధించాయి. 'కట్టప్ప బాహుబలిని ఎందుకు చంపాడు?' అన్న ప్రశ్న ప్రేక్షకుల్లో ఏళ్ల తరబడి ఆసక్తి నిలిపింది. ఇదే ఫార్ములా కలెక్షన్స్‌కు, మార్కెట్‌కు దోహదం చేస్తుందని చిత్ర పరిశ్రమ వర్గాలు అంచనా వేస్తున్నాయి.

అయితే రామాయణం అందరికీ తెలిసిన కథ కావడంతో ఈ నిర్ణయంపై నెటిజన్ల నుంచి భిన్న స్పందన వస్తోంది. తెలిసిన కథకు ఆసక్తికరమైన ముగింపు ఎలా సాధ్యమని ప్రశ్నిస్తున్నారు. ఇప్పటికే ఎందరో దర్శకులు రామాయణాన్ని తెరకెక్కించారని, కొత్తగా చూపించే అంశం ఏమిటని కామెంట్లు చేస్తున్నారు.

ఈ చిత్రంలో బాలీవుడ్ నటుడు రణ్బీర్ కపూర్ రాముడి పాత్ర పోషిస్తున్నాడు. ఇటీవల 'యానిమల్'లో విలన్ టచ్ ఉన్న పాత్ర చేసిన ఆయన రాముడిగా ఎలా ఆకట్టుకుంటాడనేది ఆసక్తిగా మారింది. ప్రస్తుతం రణ్బీర్ 'లవ్ అండ్ వార్' చిత్రంలో నటిస్తున్నాడు. రామాయణ-1, యానిమల్ పార్క్ చిత్రాలు ఆయన షెడ్యూల్లో ఉన్నాయి. ధూమ్-4 ప్రాజెక్టులో భాగమన్న వార్తలను రణ్బీర్ కొట్టిపారేసాడు.