ఓ సుకుమారి సినిమాకు ప్రేక్షకుల నుంచి సానుకూల స్పందన

నటుడు తిరువీరు, ఐశ్వర్య రాజేశ్ ప్రధాన పాత్రల్లో నటించిన 'ఓ సుకుమారి' సినిమా ప్రేక్షకుల నుంచి సానుకూల స్పందన పొందుతోంది. తాజాగా థియేటర్లో ఈ చిత్రం చూసిన ప్రేక్షకులు సినిమా బాగుందని అభిప్రాయపడ్డారు.

ముఖ్యంగా విలేజ్ నేపథ్యంలో సాగే డైలాగులు, పాటలు, సన్నివేశాలు బాగా నచ్చాయని చెప్పారు. ఐశ్వర్య రాజేశ్ నటన ప్రత్యేక ఆకర్షణగా నిలిచింది. ఆమె మంచి పెర్ఫార్మెన్స్ ఇచ్చారని, తెలుగు అమ్మాయిగా మంచి అవకాశాలు వస్తే నయనతార, అనుష్క లాంటి స్థాయికి ఎదుగుతారని కొందరు పేర్కొన్నారు.

సినిమా ముగింపులో పార్ట్-2 సూచనలు ఉండటంతో రెండో భాగం కోసం ఆసక్తి నెలకొంది. తిరువీరు డైలాగులు కూడా ఆకట్టుకుంటున్నాయి. ఓ సుకుమారి మంచి కుటుంబ వినోద చిత్రమని అంటున్నారు.