ఢిల్లీలో భారీ వర్షానికి పాత గోడ కూలి 10 వాహనాలు ధ్వంసం; ప్రాణనష్టం లేదు

ఢిల్లీలో భారీ వర్షం కారణంగా పాత గోడ కూలి పలు వాహనాలు ధ్వంసం అయ్యాయి. ఈ ఘటనలో ఎలాంటి ప్రాణనష్టం జరగలేదు.

పాల్ కాలనీ ప్రాంతంలో ఈ సంఘటన చోటు చేసుకుంది. మురుగునీటి పనుల కోసం MCD అధికారులు గత కొన్ని రోజులుగా రోడ్డు తవ్వకాలు చేపట్టారు. భారీ వర్షం కురిసినప్పుడు ఆ గుంటల్లో నీరు చేరిపోయింది. దీంతో పాత గోడ బలహీనపడి కూలిపోయిందని స్థానికులు చెబుతున్నారు.

గోడ పక్కనే పెయిడ్ పార్కింగ్ ఉండేది. ఈ ఘటనలో అక్కడ ఉన్న 8 నుంచి 10 వాహనాలు దెబ్బతిన్నాయి. కొన్ని కొత్త కార్లతోపాటు రోజువారీ జీవనోపాధికి ఉపయోగించే వాహనాలు కూడా పూర్తిగా నాశనమయ్యాయి. ఇక్కడ ఎనిమిదేళ్లుగా పార్కింగ్ చేస్తున్నామని, ఇలాంటి సంఘటన ఎప్పుడూ జరగలేదని స్థానికులు తెలిపారు.

MCD అధికారులు ఘటనాస్థలిని పరిశీలించారు. పోలీసులు దర్యాప్తు చేపట్టే అవకాశం ఉంది. ప్రాణనష్టం జరగనప్పటికీ వాహనాల నష్టంపై బాధితులు ఆగ్రహం వ్యక్తం చేస్తున్నారు.