ఆర్టికల్ 370 రద్దు భారత్ అంతర్గత వ్యవహారం, పాకిస్తాన్‌తో సంబంధం లేదు: సీఎం ఒమర్ అబ్దుల్లా

జమ్మూ కశ్మీర్ ముఖ్యమంత్రి ఒమర్ అబ్దుల్లా ఆదివారం మాట్లాడుతూ, ఆర్టికల్ 370 రద్దు భారతదేశ అంతర్గత వ్యవహారమని, దీనికి పాకిస్తాన్‌తో ఎలాంటి సంబంధం లేదని స్పష్టం చేశారు. పాకిస్తాన్ ప్రధాని షెహబాజ్ షరీఫ్ ఆర్టికల్ 370పై చేసిన వ్యాఖ్యలకు ప్రతిస్పందనగా ఆయన ఈ మేరకు ప్రకటన చేశారు.

'హ్యూమన్ రైట్స్ వయోలేషన్ అంటే, వాళ్లు తమ ఆధీనంలో ఉన్న జమ్మూ కశ్మీర్‌లోనే చేస్తున్నారు. గత కొద్దిరోజుల్లో ఎంతమందిని చంపారు? 5 ఆగస్టు 2019 నుంచి యుద్ధం చేస్తున్నారు, కానీ ఇది మన అంతర్గత వ్యవహారం. పాకిస్తాన్ దీనిలో జోక్యం చేసుకోవడం ఆపాలి. ఎందుకంటే వాళ్లు ఎంత జోక్యం చేసుకుంటే, మన కేసు అంత బలహీనం అవుతుంది' అని ఒమర్ అబ్దుల్లా అన్నారు.

పాక్ ఆక్రమిత కశ్మీర్ (PoK)లో రేంజర్స్‌ చేతుల్లో చోటు చేసుకుంటున్న హింసాకాండ, మానవ హక్కుల ఉల్లంఘనలను వెంటనే ఆపాలని ఆయన పాకిస్తాన్‌కు సూచించారు. తమ వాటా కేంద్రంతో చర్చించుకుంటామని, కానీ తమ వ్యవహారాల్లో పాకిస్తాన్ జోక్యం పూర్తిగా నిషేధించాలని సీఎం డిమాండ్ చేశారు.

2019 ఆగస్టు 5న ఆర్టికల్ 370 రద్దు నేపథ్యంలో భారత్, పాకిస్తాన్‌ల మధ్య సంబంధాలు మరింత దిగజారాయి. పాకిస్తాన్ తరచూ అంతర్జాతీయ స్థాయిలో ఈ అంశాన్ని లేవనెత్తుతుండగా, భారత్ దీన్ని సార్వభౌమాధికార విషయంగా పరిగణిస్తోంది. తాజాగా షెహబాజ్ షరీఫ్ చేసిన ప్రకటనపై భారత విదేశాంగ శాఖ ఇప్పటికే తీవ్ర ఆక్షేపణ వ్యక్తం చేసింది.