ORR వద్ద కాల్పుల ఘటన: నల్గొండ CCS పోలీసులు శ్రీకాంత్‌ను అదుపులోకి తీసుకున్నారు

హైదరాబాద్‌లో సర్వీస్ రింగ్ రోడ్ వద్ద తీవ్రమైన ఘటన చోటుచేసుకుంది. ఆస్తి నేరాలకు పాల్పడిన కేసుల్లో నిందితుడిగా ఉన్న శ్రీకాంత్ అనే వ్యక్తిని నల్గొండ CCS పోలీసులు పట్టుకున్నారు. గత నాలుగు రోజుల నుంచి శ్రీకాంత్ కోసం గాలిస్తున్న పోలీసులు అతన్ని అదుపులోకి తీసుకున్నారు.

రాత్రి 11:30 గంటల సమయంలో శ్రీకాంత్ DCM వాహనంలో ఇబ్రహీంపట్నం నుంచి బెంగళూరు వైపు సర్వీస్ రింగ్ రోడ్ మీదుగా ప్రయాణిస్తున్నాడు. అదే సమయంలో వాహన తనిఖీలు నిర్వహిస్తున్న నల్గొండ CCS పోలీసులు అనుమానంతో ఆ వాహనాన్ని అడ్డుకున్నారు.

తనిఖీ సమయంలో శ్రీకాంత్ పోలీసులపై కత్తితో దాడి చేసేందుకు ప్రయత్నించాడు. దీంతో ఆత్మరక్షణ చర్యల్లో భాగంగా పోలీసులు కాల్పులు జరిపారు. ఫలితంగా శ్రీకాంత్‌కు రెండు కాళ్ళలో బుల్లెట్ గాయాలయ్యాయి. గాయపడిన శ్రీకాంత్‌ను వెంటనే వనస్థలిపురం ఏరియా హాస్పిటల్‌కు తరలించి చికిత్స అందిస్తున్నారు.