పాక్ ఆక్రమిత కాశ్మీర్‌లో నిరసనకారులపై దాడిని సమర్థించిన పాక్ రక్షణ మంత్రి

పాకిస్తాన్ రక్షణ మంత్రి ఖవజా ఆసిఫ్, పాక్ ఆక్రమిత కాశ్మీర్ (PoK) లో సైన్యం చేపట్టిన చర్యలను సమర్థించారు. భారత సైనికులు సరిహద్దులో ఎలా దాడి చేస్తారో, నిరసనకారులు కూడా అలాగే తమ బలగాలపై దాడి చేస్తున్నారని ఆరోపించారు.

ప్రభుత్వ ఆస్తులను ధ్వంసం చేస్తూ, భద్రతా సిబ్బందిని లక్ష్యంగా చేసుకుంటున్న వారిని సాధారణ పౌరులుగా పరిగణించలేమని ఖవజా ఆసిఫ్ అన్నారు. అణచివేత చర్యలు సమంజసమేనని ఆయన వ్యాఖ్యానించారు.

ఈ ప్రకటన వెలువడక ముందు రావల్‌కోట్ ప్రాంతంలో కొత్త హింస చెలరేగింది. గత రెండు రోజుల్లో పాకిస్తాన్ సైన్యం 32 మంది నిరసనకారులను చంపినట్లు నివేదికలు తెలిపాయి. జూన్ 5 నుంచి ఇప్పటివరకు 90 మందికి పైగా చనిపోయారు. మీర్పూర్ నగరంలో సైన్యం రోడ్లపై కాల్పులు జరిపి, మృతదేహాలను వాహనాల్లో తరలించినట్లు సమాచారం. మృతుల్లో అధిక శాతం జాయింట్ అవామి యాక్షన్ కమిటీ కార్యకర్తలు.