పాక్, సౌదీ, టర్కీల మక్కా రక్షణ ఒప్పందం; భారత్‌పై తక్షణ ముప్పు లేదు

పాకిస్తాన్, సౌదీ అరేబియా, టర్కీ దేశాలు సంయుక్తంగా మక్కా జాయింట్ డిఫెన్స్ ఒప్పందంపై సంతకాలు చేశాయి. ఈ ఒప్పందంలో, ఏ దేశంపై సాయుధ దాడి జరిగినా దానిని మిగతా రెండు దేశాలపై దాడిగా పరిగణించి ఉమ్మడి సైనిక చర్య తీసుకునే నిబంధన ఉంది. నాటో ఆర్టికల్ 5 మాదిరిగా ఈ ఏర్పాటు ఉందని వర్గాలు పేర్కొంటున్నాయి.

ఈ ఒప్పందం ప్రధానంగా ఇరాన్ ప్రాభల్యాన్ని అడ్డుకోవడానికి రూపొందించినట్లు విశ్లేషణలు చెబుతున్నాయి. పశ్చిమ ఆసియాలో ఇరాన్ మద్దతుగల హౌతీ తిరుగుబాటుదారులు సౌదీలో చమురు రిఫైనరీలు, విమానాశ్రయాలపై డ్రోన్లు, క్షిపణలతో దాడులు చేస్తుండటంతో సౌదీ ఆందోళన చెందింది. అమెరికా సైనిక ఉనికి తగ్గుతుండడం కూడా సౌదీ స్వతంత్ర రక్షణ వ్యూహానికి కారణమైంది. సెప్టెంబర్ 2025లో పాకిస్తాన్-సౌదీ మధ్య కుదిరిన ద్వైపాక్షిక ఒప్పందాన్ని విస్తరించి టర్కీని చేర్చి ఈ త్రైపాక్షిక ఒప్పందం తీసుకొచ్చారు.

భారత విదేశాంగ మంత్రిత్వ శాఖ ఈ పరిణామాలను నిశితంగా గమనిస్తున్నట్లు ప్రకటించింది. ఈ ఒప్పందం భారతదేశంపై నేరుగా లక్ష్యం కాదని, ఇరాన్‌ను ఎదుర్కోవడమే దీని ముఖ్య ఉద్దేశ్యమని రక్షణ విశ్లేషకులు అభిప్రాయపడ్డారు. భారత్-పాక్ మధ్య యుద్ధం వచ్చినా సౌదీ లేదా టర్కీ సైన్యం భారత్‌పై చర్య తీసుకోదని, ఎందుకంటే ఇరు దేశాలూ భారత్‌తో బలమైన ఆర్థిక, వాణిజ్య సంబంధాలు కలిగి ఉన్నాయని వారు తెలిపారు.