మోదీ వీడియో తొలగింపు: జుకర్‌బర్గ్ వ్యక్తిగత క్షమాపణ అవసరం – పార్లమెంటరీ కమిటీ

ప్రధాని నరేంద్ర మోదీ చేసిన నీట్ పేపర్ లీకేజీలపై ప్రసంగం వీడియోను Facebook తాత్కాలికంగా తొలగించడంపై వివాదం నెలకొంది. సోమవారం సమావేశమైన భారత IT పార్లమెంటరీ కమిటీ మెటా CEO మార్క్ జుకర్బర్గ్ వ్యక్తిగతంగా భారత ప్రభుత్వానికి, ప్రధానికి క్షమాపణ చెప్పాలని డిమాండ్ చేసింది.

సుమారు ఐదు గంటల పాటు ఈ వీడియోను ప్లాట్ఫామ్ నుంచి తీసివేశారు. మెటా ప్రతినిధులు ఇది సాంకేతిక లోపం వల్ల జరిగిందని, ఉద్దేశపూర్వకంగా కాదని కేంద్రానికి క్షమాపణలు చెప్పారు. అయితే ఐటీ మంత్రిత్వ శాఖ ఈ వివరణతో సంతృప్తి చెందలేదు.

దేశ ప్రధానికి సంబంధించిన వీడియోయే సురక్షితంగా లేకపోవడం ఆమోదయోగ్యం కాదని పార్లమెంటరీ కమిటీ స్పష్టం చేసింది. సాధారణ క్షమాపణలు సరిపోవని, CEO స్వయంగా బాధ్యత వహించాలని కమిటీ అభిప్రాయపడింది.