సికింద్రాబాద్‌లో పార్వతీ సమేత సోమేశ్వర స్వామి ఆలయ నాలుగో వార్షికోత్సవం

సికింద్రాబాద్ సైనికపురి హస్తినాపురి కాలనీలో శ్రీ పార్వతీ సమేత సోమేశ్వర స్వామి ఆలయ నాలుగో వార్షికోత్సవం జరిగింది. ఆలయ కమిటీ, భక్తులు కలిసి ఈ కార్యక్రమాన్ని నిర్వహించారు.

ఉదయం సుప్రభాత సేవ, అభిషేకాలు, గణపతి పూజ, రక్షా సూత్ర ధారణ, అష్టోత్తర కలశ స్థాపన, ప్రధాన దేవతా కలశ స్థాపన, హోమాలు నిర్వహించారు. అనంతరం ఆలయ శిఖరాలకు జలాభిషేకం చేశారు.

సాయంత్రం 6:30 గంటలకు పార్వతీ సమేత సోమేశ్వర స్వామి శాంతి మహా కల్యాణోత్సవం జరిగింది. భక్తులు పెద్ద సంఖ్యలో హాజరై స్వామి దర్శనం చేసుకున్నారు. తీర్థ ప్రసాదాలు స్వీకరించారు.

హస్తినాపురి కాలనీలో విజయ గణపతి ఆలయాన్ని 1997లో ప్రతిష్టించారు. 2022లో గణపతి ఆలయ ప్రాంగణంలో పార్వతీ సమేత సోమేశ్వర స్వామి, వల్లీ దేవసేన సమేత సుబ్రహ్మణ్యేశ్వర స్వామి, నవగ్రహ దేవతలు, కార్యసిద్ధి ఆంజనేయ స్వామి విగ్రహాలను ప్రతిష్టించారు.

ఆలయ నిర్వాహకుల ప్రకారం ప్రతి నెల సంకటహర చతుర్థి, రెండు ప్రదోషాలు ఇక్కడ నిర్వహిస్తారు. భక్తులు తమ కోరికలు తీరుతాయనే విశ్వాసంతో ఆలయాన్ని సందర్శిస్తున్నారు. ఈ ఆలయం హస్తినాపురి కాలనీ నాలుగో లైన్‌లో ఉంది.