AC రైలు కోచ్లో దీపం వెలిగించి పూజ చేసిన ప్రయాణికుడు; రైల్వే శాఖ వివరాలు కోరుతోంది

AC రైలు కోచ్లో ఒక ప్రయాణికుడు అప్పర్ బెర్త్ మీద దీపం, అగరబత్తులు వెలిగించి పూజ చేసిన ఘటన వీడియో సోషల్ మీడియాలో వైరల్ అయ్యింది.

పద్మాసనంలో కూర్చుని, ప్రమిద వెలిగించి, అగరబత్తులు అంటించి పూజ చేశాడు. దీంతో AC కోచ్ లోపల పొగలు నిండాయి. సహప్రయాణికులు శ్వాస తీసుకోవడంలో ఇబ్బంది పడ్డారు. ఒక సహప్రయాణికుడు, 'కర్టన్లు, బెడ్ షీట్లకు నిప్పు అంటుకునే ప్రమాదం ఉంది. పొగతో ఆటోమేటిక్ ఫైర్ అలారం మోగి రైలు అత్యవసర బ్రేకులు పడతాయి' అని గట్టిగా హెచ్చరించారు.

ఈ ఘటనపై రైల్వే శాఖ స్పందించింది. రైలు నంబర్, PNR వివరాలు ఇస్తే తగిన చర్యలు తీసుకుంటామని ప్రకటించింది. ప్రయాణికుడి వివరాలు ఇంకా లభ్యం కాలేదు.

ఏసీ కోచ్లో నిప్పు వాడటం రైల్వే భద్రతా నియమాల ఉల్లంఘన. ఇది తీవ్రమైన అగ్ని ప్రమాదానికి దారితీయవచ్చు.