పవన్ కళ్యాణ్‌కు భుజాల రొటేటర్ కఫ్ గాయం; వైద్యులు సర్జరీ సిఫార్సు

పవన్ కళ్యాణ్ రెండు భుజాలకు సంబంధించిన రొటేటర్ కఫ్ గాయంతో బాధపడుతున్నారు. ఈ గాయం కారణంగా భుజాల కండరాలు చిట్లినట్లు వైద్యులు గుర్తించారు. ఆయన ఇటీవల ముంబైలోని కోకిలాబెన్ దీరుబాయి అంబాని ఆసుపత్రిలో ఆరోగ్య పరీక్షలు చేయించుకున్నారు. పరీక్షల్లో గాయం తీవ్రత ఎక్కువగా ఉన్నట్లు నిర్ధారణ అయింది.

వైద్యులు పవన్ కళ్యాణ్‌కు వెంటనే శస్త్ర చికిత్స చేయించుకోవడంతోపాటు, సర్జరీ తర్వాత తగినంత విశ్రాంతి తీసుకోవాలని సూచించారు. అయితే, ప్రస్తుతం అధికారిక కార్యక్రమాలు ఉన్నందున వాటిని ముగించుకొని మళ్లీ వస్తానని పవన్ వైద్యులకు తెలిపారు.

అందుకే ఆయన కొద్ది రోజుల్లోనే ముంబై వెళ్లి సర్జరీ చేయించుకోనున్నారు. సర్జరీ అనంతరం కొన్ని రోజులు అక్కడే ఉండి విశ్రాంతి తీసుకుంటారని జనసేన వర్గాలు తెలిపాయి. ఆయన ఆరోగ్య పరిస్థితి గురించి జనసేన అధికారిక ఎక్స్ ఖాతా ఎప్పటికప్పుడు అప్‌డేట్ ఇస్తోంది.