పెద్ది సినిమా ప్రీమియర్ షోలకు సందడి, జూన్ 4న విడుదల

నటుడు రామ్ చరణ్ ప్రధాన పాత్రలో నటించిన ‘పెద్ది’ చిత్రం ప్రీమియర్ షోలు హైదరాబాద్‌లో సందడిగా జరిగాయి. జూన్ 4న విడుదల కావాల్సిన ఈ చిత్రాన్ని ఒక రోజు ముందే తెలంగాణ, ఆంధ్రప్రదేశ్‌లోని పలు నగరాల్లో ప్రత్యేక ప్రీమియర్ షోల ద్వారా ప్రదర్శించారు.

హైదరాబాద్‌లోని AMB సినిమాస్‌లో దర్శకుడు ఎస్.ఎస్. రాజమౌళి కుటుంబంతో కలిసి ఈ చిత్రాన్ని వీక్షించారు. దర్శకులు కొరటాల శివ, సందీప్ రెడ్డి వంగా కూడా అదే థియేటర్‌లో సినిమా చూశారు. దర్శకుడు సుకుమార్ తన కుటుంబంతో కలిసి విమల్ థియేటర్‌లో సందడి చేశారు. మరికొంతమంది దర్శకులు, నటీనటులు కూడా థియేటర్లకు వెళ్లడం విశేషం.

థియేటర్‌లో ఒక మహిళా అభిమాని పాటకు అనుగుణంగా డ్యాన్స్ చేసిన వీడియోలు సోషల్ మీడియాలో వైరల్ అయ్యాయి. ఈ చిత్రంలో బాలీవుడ్ నటి జాన్వి కపూర్ కథానాయికగా నటించగా, నటి శృతి హాసన్ ఒక ప్రత్యేక గీతంలో కనిపించారు. ఇతర ప్రధాన పాత్రల్లో కన్నడ నటుడు శివరాజ్ కుమార్, జగపతి బాబు, దివ్యేందు శర్మ ఉన్నారు.

ఏ.ఆర్. రెహమాన్ సంగీతం, బ్యాక్‌గ్రౌండ్ స్కోర్ అందించారు. ‘పెద్ది’ చిత్రం నేడు ప్రపంచవ్యాప్తంగా థియేటర్లలో విడుదలైంది.