పీఎం కిసాన్ పథకాన్ని మరో ఐదేళ్లు పొడిగించిన కేంద్రం; కొత్త రైతుల చేరికకు అవకాశం

కేంద్ర ప్రభుత్వం ప్రధానమంత్రి కిసాన్ (PM Kisan) పథకాన్ని మరో ఐదేళ్ల పాటు పొడిగించింది. ఈ పథకం కింద అర్హులైన రైతులకు ఏటా ₹6,000 చొప్పున మూడు విడతల్లో నేరుగా బ్యాంకు ఖాతాలో జమ చేస్తారు. ఇందుకోసం ముందుగానే కేంద్రం బడ్జెట్ కేటాయించింది.

గతంలో ఈ పథకంలో కొత్త రైతులను చేర్చే అవకాశం లేకపోవడంతో చాలా మంది రైతులు నిధుల కోసం ఎదురుచూస్తున్నారు. ఇప్పుడు కొత్తవారిని కూడా చేర్చే యోచనలో కేంద్రం ఉన్నట్లు తెలుస్తోంది. ఆన్‌లైన్ లేదా మీసేవ కేంద్రాల ద్వారా దరఖాస్తు చేసుకునే అవకాశం కల్పించనున్నారు.

దరఖాస్తు చేసుకోవడానికి రైతులు తమ పాస్ పుస్తకం, ఆధార్, బ్యాంకు ఖాతా వివరాలు, కేవైసీ పూర్తి చేయాల్సి ఉంటుంది. నిధులు నేరుగా ఖాతాల్లో జమవుతాయి. మధ్యవర్తుల ప్రమేయం ఉండదని అధికారులు తెలిపారు.

అదే సమయంలో, జల వనరులపై సౌర ఫలకాలు ఏర్పాటు చేసి విద్యుత్ ఉత్పత్తి చేసే ‘ప్రధానమంత్రి సూర్య సరోవర్ యోజన’ పేరుతో కొత్త పథకాన్ని కూడా క్యాబినెట్ ప్రకటించింది.