ప్రధాని మోదీ: 12 ఏళ్లలో విమానాశ్రయాలు 74 నుంచి 166కు పెరిగాయి, ఉడాన్ రెండో దశకు ₹9,000 కోట్లు

ప్రధాని నరేంద్ర మోదీ భారత విమానయాన రంగం గత 12 ఏళ్లల్లో గణనీయంగా అభివృద్ధి చెందిందని తెలిపారు. 2014లో దేశంలో 74 విమానాశ్రయాలు మాత్రమే అందుబాటులో ఉండేవని, ఇప్పుడు ఆ సంఖ్య 166కు చేరిందని వివరించారు. ముందు పెద్ద నగరాలకే పరిమితమైన విమాన సర్వీసులు ఇప్పుడు చిన్న పట్టణాల వారికీ అందుబాటులోకి వచ్చాయని ఆయన అన్నారు.

ఉడాన్ పథకం ద్వారా నిరుపేదలకు కూడా విమాన ప్రయాణం సాధ్యమైందని ప్రధాని తెలిపారు. పేద కుటుంబాల సభ్యులు ఈ పథకంతో తమ జీవితాల్లో మొదటిసారిగా విమానంలో ప్రయాణించడం ఆనందంగా ఉందన్నారు. కేంద్ర ప్రభుత్వం ఇటీవల ఉడాన్ పథకం రెండో దశను ప్రారంభించింది. ఇందుకు ₹9,000 కోట్లు ఖర్చు చేయనుంది.