జీ7 సదస్సు నుంచి తిరిగొచ్చిన ప్రధాని మోదీ.. యువత సామర్థ్యంపై ప్రపంచం చర్చ.. వికసిత్ భారత్ రోజ్గార్ యోజన ప్రారంభం

ప్రధాని నరేంద్ర మోదీ ఫ్రాన్స్, స్లొవేకియా పర్యటన ముగించుకుని స్వదేశానికి తిరిగి వచ్చిన కొద్ది గంటలకే ‘ప్రధాన మంత్రి వికసిత్ భారత్ రోజ్గార్ యోజన’ను ప్రారంభించారు. జీ7 దేశాల అగ్రనేతలతో జరిగిన భేటీ తర్వాత ఆయన మాట్లాడుతూ, ప్రపంచం ఇప్పుడు భారత యువత టాలెంట్, స్కిల్, సామర్థ్యాల గురించి చర్చిస్తోందని తెలిపారు.

‘ఈ కార్యక్రమంలో పాల్గొంటున్న యువతలో నాకు భారత భవిష్యత్తు కనిపిస్తోంది. జీ7లో అభివృద్ధి చెందిన దేశాల నేతలు సైతం భారత యువశక్తి గురించి మాట్లాడుతున్నారు. ప్రపంచం భారత యువత సామర్థ్యాన్ని గుర్తించడం మొదలుపెట్టింది’ అని ప్రధాని పేర్కొన్నారు.

వికసిత్ భారత్ రోజ్గార్ యోజన సాధారణ ఉపాధి పథకాలకు భిన్నంగా, తొలి ఉద్యోగం కోసం ఎదురుచూస్తున్న యువత కలలకు బలాన్నిచ్చే లక్ష్యంతో రూపొందించినట్లు ప్రధాని వివరించారు. యువతకు, పరిశ్రమలకు మధ్య వారధిగా నిలిచే ఈ పథకం, విద్యార్థులు చదువు పూర్తి చేసిన వెంటనే నైపుణ్యానికి తగిన ఉద్యోగ అవకాశాలను కల్పించడంపై దృష్టి పెడుతుంది.

ఇప్పటికే వికసిత్ భారత్ @2047 లక్ష్యంలో భాగంగా కేంద్రం వివిధ రంగాల్లో నైపుణ్యాభివృద్ధి కార్యక్రమాలు చేపడుతోంది. కొత్త పథకం ద్వారా ఏటా లక్షలాది మంది యువతకు ఉద్యోగ కల్పన జరుగుతుందని ప్రభుత్వ వర్గాలు తెలిపాయి. పథకం వివరాలు, అర్హత ప్రమాణాలు త్వరలోనే విడుదల కానున్నాయి.