తల్లిని దూషించిన యువతపై ప్రధాని మోడీ: వారిని క్షమించండి, శిక్ష వద్దు

ప్రధాని నరేంద్ర మోడీ తన తల్లిని దూషించిన వైరల్ వీడియోపై స్పందించారు. "నా తల్లిని కూడా దూషించారు. నాకు ఆ బాధ తెలుసు. కానీ వారిని క్షమించాలనుకుంటున్నాను" అని చెప్పారు.

ఈ వీడియోలో కనిపించిన యువతను శిక్షించకూడదని, వారికి దారి చూపించాల్సిన బాధ్యత సమాజంపై ఉందని ప్రధాని అభిప్రాయపడ్డారు. "వారు తప్పుదోవ పట్టిన పిల్లలు. వారిని కోర్టుల చుట్టూ తిప్పడం, సమాజంలో ఇబ్బంది పెట్టడం వల్ల పరిస్థితులు మారవు" అని అన్నారు.

నాలుక, పళ్ల ఉదాహరణ ఇస్తూ, "కొన్నిసార్లు పళ్లకింద నాలుక ఇరుక్కుంటే రక్తం వస్తుంది. కానీ మనం పళ్లను పీకించుకోం. ఎందుకంటే నాలుక, పళ్లు రెండూ మనవే. పిల్లలు కూడా మనవారే. వారిని మార్గనిర్దేశం చేయడమే మన పని" అని వివరించారు.

"తప్పుదారిలో ఉన్నవారికి మార్గం చూపడం కష్టమే, కానీ అది మన కర్తవ్యం" అని ప్రధాని తన ప్రసంగంలో స్పష్టం చేశారు.