ప్రధాని మోదీ సెల్ఫీ వీడియో: పేపర్ లీక్ మాఫియాపై కఠిన చట్టం ఆమోదం

ప్రధాని నరేంద్ర మోదీ తన నాలుగవ సెల్ఫీ వీడియో సందేశంలో, పేపర్ లీక్ మాఫియాపై కఠిన చట్టం ఆమోదించినట్లు ప్రకటించారు. పరీక్షా వ్యవస్థను నమ్మదగినదిగా మార్చేందుకు అనేక చర్యలు తీసుకుంటున్నామని అన్నారు.

టాస్క్‌ఫోర్స్, ఫాస్ట్‌ట్రాక్ కోర్టులు, రాష్ట్రాల సూచనలు పరిగణలోకి తీసుకున్నట్లు తెలిపారు. గత దశాబ్దాలుగా పేపర్ లీక్‌ల సమస్య విద్యార్థుల భవిష్యత్తును దెబ్బతీస్తోందని, సాంకేతికతను పూర్తిగా వినియోగించాల్సిన అవసరం ఉందని చెప్పారు.

పేపర్ లీక్ చేసే ముఠాలను ఏమాత్రం విడిచిపెట్టబోమని హెచ్చరించారు. ఇందుకోసం కఠిన చట్టాల అవసరం ఉందని, ఆ బిల్లును పార్లమెంటులో ప్రవేశపెట్టామని తెలిపారు. రెండు రోజులుగా ఉభయ సభల్లో విస్తృతంగా చర్చించిన తరువాత, ఈ రోజు రెండు సభలు ఈ కఠిన బిల్లును ఆమోదించాయని ప్రధాని ప్రకటించారు.

విశ్వసనీయ పరీక్షా వ్యవస్థ దిశగా ఇదో ముఖ్యమైన ముందడుగు అని, భవిష్యత్తులోనూ పని కొనసాగిస్తామని అన్నారు. అన్ని వర్గాల ప్రజలను వికసిత భారత్ స్వప్నాన్ని సాకారం చేసేందుకు సహకరించాలని కోరారు.