స్పేస్ సెక్టార్‌లో యువత రాకెట్లు నిర్మిస్తున్నారు: ప్రధాని మోదీ

స్పేస్ సెక్టార్ ఇకపై యువతకు ఉద్యోగాల వేదికగా మారిందని, తమ కుటుంబంలో తొలిసారి రాకెట్ నిర్మించిన యువ ఇంజనీర్లు గర్వంగా చెబుతున్నారని ప్రధాని నరేంద్ర మోదీ అన్నారు. ఓ కాన్వొకేషన్‌లో వర్చువల్‌గా పాల్గొన్న సందర్భంగా ప్రధాని మాట్లాడుతూ, గతంలో స్పేస్ సెక్టార్ పూర్తిగా ప్రభుత్వ పరిమితమే ఉండేదని, కానీ ఇప్పుడు సంస్కరణలతో ప్రైవేట్ రంగానికి అవకాశాలు పెరిగాయని తెలిపారు. "నేడు మన యువత సొంతంగా లాంచ్ వెహికల్స్ తయారు చేస్తున్నారు, రాకెట్లను ప్రయోగిస్తున్నారు, ప్రపంచంలో కొన్ని దేశాలు మాత్రమే సాధించిన ఘనతలను అందుకుంటున్నారు" అని మోదీ పేర్కొన్నారు. ఇటీవలి సంస్కరణలతో భారత అంతరిక్ష రంగంలో స్టార్ట్‌ప్‌లు వేగంగా అభివృద్ధి చెందుతున్నాయి. స్కైరూట్, అగ్నికుల్ వంటి సంస్థలు ఇప్పటికే విజయవంతమైన ప్రయోగాలు నిర్వహించాయి. ఇస్రోతో పాటు ప్రైవేట్ కంపెనీలు కూడా శాటిలైట్ లాంచింగ్‌లో పాల్గొంటున్నాయి. స్పేస్ సెక్టార్‌లో విదేశీ పెట్టుబడులు పెరగడంతో యువతకు ఉపాధి అవకాశాలు మెరుగయ్యాయని ప్రధాని తెలిపారు. ఈ రంగంలో మరిన్ని సంస్కరణలు తీసుకురానున్నట్లు సంకేతాలు ఇచ్చారు. త్వరలో స్పేస్ పాలసీని మరింత సరళీకృతం చేయనున్నట్లు చెప్పారు. అంతరిక్ష టెక్నాలజీలో భారత్ సాధిస్తున్న ప్రగతి యావత్ ప్రపంచాన్ని ఆకట్టుకుంటోంది.