ప్రపంచ అధికార సమతుల్యతలో సాంకేతికతే కీలకం: ప్రధాని మోదీ

ప్రపంచ శక్తి సమీకరణాలు క్షణం క్షణం మారుతున్నాయని, దీనికి సాంకేతికతే అతిపెద్ద చోదక శక్తిగా మారిందని ప్రధాని నరేంద్ర మోదీ అన్నారు. ఒక విద్యాసంస్థ స్నాతికోత్సవంలో విద్యార్థులను ఉద్దేశించి ఆయన మాట్లాడారు. ప్రపంచం తీరు, పరిశ్రమలు, వృత్తులే కాకుండా భవిష్యత్తు కూడా ఎటువైపు దారి తీస్తుందో ఎవరూ ఖచ్చితంగా చెప్పలేరని, అయితే ఈ మార్పును అవకాశంగా మార్చుకోవాలని సూచించారు.

"మీరు ఇన్స్టిట్యూట్ను వీడుతున్న ఈ సమయంలో ప్రపంచం చాలా వేగంగా మారిపోతోంది. ప్రపంచ వ్యూహాత్మక సమీకరణాలు, గ్లోబల్ పవర్ బ్యాలెన్స్ కూడా ప్రతి క్షణం మారుతున్నాయి. వీటి వెనుక అతిపెద్ద శక్తి సాంకేతికత వేగం," అని ప్రధాని తెలిపారు. రాబోయే 20-30 ఏళ్లలో ప్రపంచం ఎలా ఉంటుందో ఎవరికీ తెలియదని, అయితే ప్రతి మార్పుతో సవాళ్లు వచ్చినప్పుడు కొత్త అవకాశాలు కూడా పుడతాయన్నారు.

"ప్రపంచం మారుతుంది, సాంకేతికత మారుతుంది, పరిశ్రమలు మారతాయి, ప్రొఫెషన్లు కూడా మారతాయి. కానీ వీటన్నిటి మధ్యా నా మాట గుర్తుంచుకోండి - నేర్చుకునే వారే గెలుస్తారు" అని మోదీ స్పష్టం చేశారు. దీని ద్వారా నిరంతరం నేర్చుకోవడం, సాంకేతిక నైపుణ్యాలను అప్డేట్ చేసుకోవడం భవిష్యత్తులో కీలకమని ఆయన సందేశం ఇచ్చారు.