PM భీమా పథకాల కవరేజీ పెంపు సంకేతాలు; తెలంగాణలో ఇందిరమ్మ జీవిత భీమా జూన్ 2న ప్రారంభం?

కేంద్రం 2015లో ప్రవేశపెట్టిన ప్రధానమంత్రి జీవన్ జ్యోతి భీమా యోజన (PMJJBY), ప్రధానమంత్రి సురక్ష భీమా యోజన (PMSBY) పథకాల కవరేజీని ₹2 లక్షల నుంచి ₹5 లక్షలకు పెంచే అవకాశం ఉందని తెలుస్తోంది. ఈ పథకాలు ప్రారంభమై 11 సంవత్సరాలు పూర్తయ్యాయి. పెరుగుతున్న ద్రవ్యోల్బణాన్ని దృష్టిలో పెట్టుకొని కవరేజీ పెంపు, ప్రీమియం సవరణపై ప్రభుత్వం భీమా కంపెనీలతో చర్చలు జరుపుతోంది.

ప్రస్తుతం PMJJBY జీవిత భీమా కవరేజీ ₹2 లక్షలు కాగా వార్షిక ప్రీమియం ₹436. PMSBY ప్రమాద భీమా కవరేజీ ₹2 లక్షలు కాగా వార్షిక ప్రీమియం కేవలం ₹20. ప్రీమియం బ్యాంకు ఖాతా నుంచి ఆటో డెబిట్ ద్వారా చెల్లించే సదుపాయం ఉంది. ఈ పథకాల్లో చేరినవారికి త్వరలో రెన్యూవల్ మెసేజ్‌లు అందుతున్నాయి.

తెలంగాణ ఆవిర్భావ దినోత్సవం సందర్భంగా జూన్ 2న ప్రభుత్వం ఇందిరమ్మ జీవిత భీమా పథకాన్ని ప్రారంభించే అవకాశం ఉందని తెలుస్తోంది. రాష్ట్రంలోని ప్రతి కుటుంబానికి ₹5 లక్షల జీవిత భీమా కల్పించడం ఈ పథకం లక్ష్యం. ఈ ఏడాది బడ్జెట్‌లో ఈ పథకాన్ని ప్రకటించారు. పథకానికి ₹4,000 కోట్లు కేటాయించారు. ఆర్థిక మంత్రి భట్టి విక్రమార్క నేతృత్వంలోని cabinet sub-committee విధి విధానాలు రూపొందించింది. LIC సంస్థతో ఒప్పందం జరిగే అవకాశం కూడా ఉందని సమాచారం.

జూన్ 2న కొత్త పెన్షన్లు, ప్రభుత్వ ఉద్యోగులకు నగదు రహిత వైద్య చికిత్స వంటి నిర్ణయాలు కూడా ప్రకటించబోతున్నారని తెలుస్తోంది. అయితే ఈ విషయాలపై ప్రభుత్వం అధికారిక ధృవీకరణ ఇవ్వాల్సి ఉంది.

UIDAI హైదరాబాద్ regional అధికారులు ఒక ముఖ్యమైన ప్రకటన చేశారు. 5 నుంచి 17 సంవత్సరాల వయసు పిల్లలు ఆధార్ కార్డులో వివరాలు మొదటిసారి సవరించుకుంటే ఎటువంటి రుసుము అవసరం లేదు. ఈ సదుపాయం సెప్టెంబర్ 30 వరకు అందుబాటులో ఉంటుంది. అలాగే ఆధార్ కార్డులో చిరునామా, ఇతర వివరాలు online లో ఉచితంగా సవరించుకునే అవకాశాన్ని మరో సంవత్సరం పొడిగించారు.