నిర్మల్ జిల్లా: బాటోలిలో చేతబడి కలకలం; పోలీసుల అవగాహన

నిర్మల్ జిల్లా బైన్సా మండలంలోని బాటోలి గ్రామంలో చేతబడి భయాలు నెలకొన్నాయి. గుర్తు తెలియని వ్యక్తులు గ్రామంలో నిమ్మకాయలు, పసుపు, కుంకుమ ఉంచడంతో స్థానికులు భయభ్రాంతులకు గురయ్యారు. గ్రామస్థులు వెంటనే పోలీసులకు సమాచారం ఇచ్చారు.

రూరల్ ఎస్ఐ సుప్రియ సంఘటనా స్థలానికి చేరుకొని గ్రామస్థులకు మూఢ నమ్మకాలపై అవగాహన కల్పించారు. ఇలాంటి చర్యలు చేసే వారిపై కఠిన చర్యలు తీసుకుంటామని హెచ్చరించారు. అలాగే, గ్రామంలో సీసీ కెమెరాలు ఏర్పాటు చేసుకోవాలని సూచించారు.

ప్రస్తుతం గ్రామంలో పోలీసు పహారా కొనసాగుతోంది. ఇలాంటి సంఘటనల విషయంలో భయపడవద్దని, తక్షణమే పోలీసులకు తెలియజేయాలని ఎస్ఐ సుప్రియ గ్రామస్థులకు సూచించారు.