రోడ్డుపై తిరుగుతున్న మానసిక రోగిని ఆశ్రమానికి చేర్చిన మీర్పేట పోలీసులు

యాదాద్రి భువనగిరి జిల్లా చౌటుప్పల్లో రోడ్డుపై అల్లకల్లోలంగా తిరుగుతున్న ఓ మానసిక రోగిని పోలీసులు గుర్తించి, అమ్మనాన్న అనాధ ఆశ్రమానికి చేర్చారు.

మీర్పేట పోలీస్ స్టేషన్ కానిస్టేబుల్ భాస్కర్ (PC 4719) మాట్లాడుతూ, ఈరోజు మధ్యాహ్నం 100 నంబరుకు వచ్చిన కాల్ మేరకు ఘటనా స్థలానికి చేరుకున్నామని తెలిపారు. మీర్పేట ఎక్స్‌ప్లోరర్ ప్రాంతంలో గుర్తు తెలియని వ్యక్తి కనిపించడంతో స్థానికులు ఫిర్యాదు చేశారు.

ఎస్సై నితిన్ సూచనతో అమ్మనాన్న అనాధ ఆశ్రమం నిర్వాహకులను సంప్రదించి, ఆ వ్యక్తిని ఆశ్రమానికి తీసుకెళ్లినట్లు కానిస్టేబుల్ వివరించారు. ఆశ్రమ హాస్పిటల్ లో వైద్య పరీక్షలు చేస్తున్నప్పుడు చిన్న పిల్లాడిలా ఇబ్బంది పెట్టిన ఆయన, భోజనం పెట్టగా కడుపునిండా తిన్నాడు.

ప్రస్తుతం ఆ వ్యక్తి పేరు తెలియదు. ఎర్రగడ్డ ఆసుపత్రికి తరలించి చికిత్స అందించనున్నారు. అతని కుటుంబ సభ్యులు ఎవరైనా ఉంటే ఆశ్రమాన్ని సంప్రదించాలని పోలీసులు కోరారు.