తాండూరులో 56 కిలోల గంజాయి స్వాధీనం: ముగ్గురు అరెస్ట్

వికారాబాద్ జిల్లా తాండూరులో భారీ గంజాయి పట్టుబడింది. ఎక్సైజ్ శాఖకు అందిన సమాచారంతో అధికారులు తనికీలు చేపట్టారు. అనుమానాస్పదంగా ప్రయాణిస్తున్న ముగ్గురిని అదుపులోకి తీసుకున్నారు. వారి బ్యాగులను తనిఖీ చేయగా, మూడు బ్యాగుల్లో 56 కిలోల ఎండు గంజాయి లభించింది.

పట్టుబడిన గంజాయి విలువ రూ.13 లక్షలు ఉంటుందని అధికారులు అంచనా వేశారు. నిందితులు ఒరిస్సా రాష్ట్రంలోని గంజాం జిల్లాకు చెందిన మధు ప్రధాన్, శివ నాయక్, కె. నీలు మండల్‌గా గుర్తించారు. వీరు ఒక్కొక్కరికి రూ.10 వేలు చెల్లించి గంజాయి సరఫరా చేస్తున్నట్లు విచారణలో వెల్లడైంది.

ఈ ఆపరేషన్‌లో STF, జిల్లా టాస్క్‌ఫోర్స్, ఎక్సైజ్ బృందాలు సంయుక్తంగా పాల్గొన్నాయి. నిందితులపై కేసు నమోదు చేసి దర్యాప్తు ప్రారంభించినట్లు పోలీసులు తెలిపారు. గంజాయి ఎక్కడికి తరలిస్తున్నారనే దానిపై విచారణ కొనసాగుతోంది.