తిరుమలలో పౌర్ణమి గరుడ సేవ ఘనంగా నిర్వహణ

తిరుమల శ్రీ వేంకటేశ్వర స్వామి ఆలయంలో బుధవారం (జూలై 29) పౌర్ణమి పర్వదినాన్ని పురస్కరించుకుని వివిధ విశేష సేవలను నిర్వహించారు. ఉదయం నుంచి సాయంత్రం వరకు నిత్య పూజలు, కళ్యాణోత్సవం, ఊంజల సేవ తదితర కార్యక్రమాలు శాస్త్రోక్తంగా జరిగాయి.

సాయంత్రం సహస్ర దీపాలంకరణ సేవ అనంతరం, వాహన మండపంలో స్వర్ణ గరుడ వాహనంపై శ్రీ మలయప్ప స్వామి వారికి విశేష అలంకరణ చేసి, రాత్రి పౌర్ణమి గరుడ సేవను నాలుగు మాడ వీధుల్లో ఘనంగా నిర్వహించారు. ఈ సేవలో భక్తులు పెద్ద సంఖ్యలో పాల్గొన్నారు.

అనంతరం రాత్రి తోమాల సేవ, ఏకాంత సేవలు జరిగినట్లు టీటీడీ అధికారులు తెలిపారు.