19 కేజీల కమర్షియల్ సిలిండర్ ధర తగ్గింపుపై ఎన్సీపీ నేత ప్రఫుల్ పటేల్ ప్రశంస

ఎన్సీపీ వర్కింగ్ ప్రెసిడెంట్ ప్రఫుల్ పటేల్ 19 కేజీల కమర్షియల్ సిలిండర్ ధర తగ్గింపుపై కేంద్ర ప్రభుత్వాన్ని ప్రశంసించారు. అంతర్జాతీయ మార్కెట్లో ముడిచమురు ధరల హెచ్చుతగ్గులు ఉన్నప్పటికీ, వంటగ్యాస్ సిలిండర్ల కొరత లేకుండా చూడటంలో ప్రధాని మోదీ నాయకత్వం కీలకమని ఆయన అన్నారు. ప్రపంచవ్యాప్తంగా ఈ సంక్షోభం ఉందని, స్వల్ప ధరల పెరుగుదల సహజమే అయినా సామాన్యులపై భారం పడకుండా ప్రభుత్వం చూసుకుందని వివరించారు. ఇటీవలి కేంద్ర నిర్ణయం ప్రకారం 19 కేజీల కమర్షియల్ సిలిండర్ ధర రూ.91.50 తగ్గించింది. దీంతో హోటళ్లు, రెస్టారెంట్లు, చిన్న వ్యాపారాలకు ఊరట లభించింది. మోదీ ప్రభుత్వం ప్రజలకు ఇచ్చిన హామీల్ను నిలబెట్టుకుందని పటేల్ పేర్కొన్నారు. అంతర్జాతీయ పరిస్థితులను సమర్థంగా ఎదుర్కొన్న తీరును ఆయన అభినందించారు.