నన్ను బిహార్ కేజ్రీవాల్ అనడం సరికాదు: ప్రశాంత్ కిశోర్‌

రాజకీయ వ్యూహకర్త ప్రశాంత్ కిశోర్ తనను ఢిల్లీ సీఎం అరవింద్ కేజ్రీవాల్‌తో పోల్చడాన్ని తిరస్కరించారు. బిహార్‌లో తన కొత్త పార్టీ జన్ సురాజ్ ద్వారా రాజకీయ ప్రయోగం చేస్తున్న ఆయనను మీడియా ‘బిహార్ కేజ్రీవాల్’గా పిలవడంపై స్పందిస్తూ, ప్రతి రాష్ట్రంలోనూ విభిన్న నాయకులు ఉంటారని, ఓ కొత్త నాయకుడు ఎన్నికల్లో గెలిస్తే అతన్ని కేజ్రీవాల్‌తో పోల్చడం సరికాదని అన్నారు. తమిళనాడుకు చెందిన నటుడు విజయ్, పశ్చిమ బెంగాల్ ముఖ్యమంత్రి మమతా బెనర్జీ వంటి నేతలను ఎందుకు పరిగణలోకి తీసుకోవడం లేదని ప్రశ్నించారు. కేజ్రీవాల్ ఒక్కరే ఓట్లతో గెలిచి వచ్చిన తొలి, ఆఖరి వ్యక్తి కాదని వ్యాఖ్యానించారు. ప్రశాంత్ కిశోర్ గతంలో బీజేపీ, జేడీయూ, వైఎస్సార్ కాంగ్రెస్, టీఎంసీ వంటి పార్టీలకు ఎన్నికల వ్యూహకర్తగా పనిచేశారు. 2022లో జన్ సురాజ్ అనే సొంత రాజకీయ పార్టీని స్థాపించారు. బిహార్‌లో వచ్చే అసెంబ్లీ ఎన్నికల్లో పోటీ చేస్తామని ప్రకటించారు.