వికారాబాద్‌లో 12 జ్యోతిర్లింగాల ప్రతిరూపాలతో ప్రత్యేక శివాలయం నిర్మాణం

వికారాబాద్ జిల్లా చౌడుపాల్ మండలం బోనగెల్లి గ్రామంలో శ్రీ పుణ్యలింగేశ్వర స్వామి ఆలయం నిర్మాణం జరుగుతోంది. ఈ ఆలయంలో 12 జ్యోతిర్లింగాల ప్రతిరూపాలను ఒకే ప్రాంగణంలో ఏర్పాటు చేస్తున్నారు.

ఆలయ నిర్మాణం పూర్తికి ఇటుకలు, ఇసుక, కంకర, గ్రానైట్, సిమెంట్, ఇనుము వంటి నిర్మాణ సామగ్రిని విరాళంగా అందించాలని నిర్వాహకులు విజ్ఞప్తి చేస్తున్నారు. భక్తులు తమ వంతు సహాయం చేయాలని కోరుతున్నారు.

మల్కాపురానికి చెందిన మల్లేశ్వరి అనే భక్తురాలు ఆలయాన్ని సందర్శించిన తర్వాత మాట్లాడుతూ, “12 జ్యోతిర్లింగాలను ఒకే చోట చూడాలంటే ఇక్కడికి రావాలి. మంచి అనుభూతి కలిగింది” అని తెలిపారు.

ఆలయం చుట్టూ ప్రశాంతమైన వాతావరణం ఉండడంతో ఎక్కువ మంది భక్తులు సందర్శించాలని ఆలయ నిర్వాహకులు కోరుతున్నారు.