దర్శకత్వం 14 గాడిద కాళ్లు పట్టుకోవడం లాంటిది: కె. రాఘవేంద్రరావు

ఒక podcast లో రచయిత బివిఎస్ రవి, దర్శకుడు కె. రాఘవేంద్రరావు ఒకసారి దర్శకత్వం అనేది 14 గాడిద కాళ్లు పట్టుకోవడం లాంటిదని అన్నట్లు తెలిపారు. అంటే ఎంతో ఓపిక, నైపుణ్యం అవసరమవుతాయని అర్థం.

ఆయన వివరిస్తూ, డైరెక్టర్ కెమెరామన్, ఆర్ట్ డైరెక్టర్, లెన్స్‌మన్, ఫోకస్ పుల్లర్, రచయిత, సంగీత దర్శకుడు, గాయకుడు, మిక్సింగ్ ఇంజనీర్, కాస్ట్యూమ్స్, కలర్స్, నిర్మాత, నటీనటులు, వారి సహాయకులు వంటి ఎన్నో విభాగాల వ్యక్తులను చాలా జాగ్రత్తగా హ్యాండిల్ చేయాల్సి ఉంటుందని చెప్పారు.

ఇంతమందిని నిర్వహించే డైరెక్టర్‌కు చాలా సార్లు ఓ టోపీ ఇచ్చి ఫోటోలు తీసి మ్యాగజైన్లో వేస్తారు, లేదా ప్రీ రిలీజ్ ఫంక్షన్‌లో మాట్లాడించడం జరుగుతుంది. కానీ అసలైన కష్టం ఆయన భుజస్కంధాలపైనే ఉంటుందని బివిఎస్ రవి అభిప్రాయపడ్డారు.