రాహుల్ గాంధీ పుట్టినరోజు సందర్భంగా కాంగ్రెస్ పార్టీ కేక్ కటింగ్, సేవా కార్యక్రమాలు

కాంగ్రెస్ అగ్రనేత, లోక్‌సభ ప్రతిపక్ష నేత రాహుల్ గాంధీ పుట్టినరోజు వేడుకలు దేశవ్యాప్తంగా జరిగాయి. ఢిల్లీలోని ఇందిరాభవన్‌లో ఆయన కేక్ కట్ చేశారు. ఈ సందర్భంగా పార్టీ అధ్యక్షుడు మల్లికార్జున్ ఖర్గే, ఎంపీ ప్రియాంక గాంధీ తదితరులు పాల్గొన్నారు. పలువురు నేతలు, కార్యకర్తలు ఆయనకు శుభాకాంక్షలు తెలిపారు.

ఖర్గే రాహుల్ గాంధీని 'నిరంకుశత్వపు పాలనపై పోరాడే నేత'గా అభివర్ణిస్తూ ట్వీట్ చేశారు. రాహుల్ గాంధీ పుట్టినరోజు సందర్భంగా పార్టీ శ్రేణులు దేశవ్యాప్తంగా పలు సేవా కార్యక్రమాలు నిర్వహించాయి. యూత్ కాంగ్రెస్ ఢిల్లీలో మెగా జాబ్ ఫెయిర్ నిర్వహించింది. వారణాసిలో కాంగ్రెస్ కార్యకర్తలు రాహుల్ గాంధీ ఫ్లెక్సీకి పాలాభిషేకం చేశారు.

పెద్దపల్లి కాంగ్రెస్ ఎంపీ గడ్డం వంశీ కృష్ణ రాహుల్‌కు శుభాకాంక్షలు చెబుతూ, ఆయన ప్రజల గొంతుకగా నిలిచారని ప్రశంసించారు. కాంగ్రెస్ శ్రేణులు వివిధ రాష్ట్రాల్లో రాహుల్ గాంధీకి పుట్టినరోజు శుభాకాంక్షలు తెలిపాయి.